Team – Pavilion of the Republic of Kosovo

Fotografia nga: Ferdi Limani, Galeria Kombëtare e Kosovës 2020

JAKUP FERRI

Artist

Jakup Ferri (1981, Prishtinë, Kosovë, jeton në Prishtinë dhe Hagë) është artist bashkëkohor dhe profesor në Akademinë e Arteve të Prishtinës. Ka studiuar në Akademinë e Arteve të Prishtinës dhe në Rijksakademie në Amsterdam.

Në vitin 2003 ai mori dy çmime prestigjioze në Prishtinë: Çmimin Muslim Mulliqi dhe Çmimin Artistët e së nesërmes. Në vitin 2008 ai mori çmimin Buning Brongers në Amsterdam. Ai ka qenë artist-në-rezidencë në vende të shumta, duke përfshirë ISCP Nju Jork, Kultur Kontakt Austria. Përveç koleksioneve private, vepra e tij është gjithashtu pjesë e koleksionit të Muzeut Ludwig – Muzeu i Artit Bashkëkohor, Budapest.

Puna e Ferrit është shfaqur gjerësisht në ekspozita ndërkombëtare (individuale dhe grupore) në muze dhe galeri, festivale dhe bienale, duke përfshirë Bienalen e Stambollit, Bienalen e Cetinjes, Kunsthalle Fridericianum; De Appel Amsterdam; Galeria Kombëtare e Kosovës, Bienalja e Artit Grafik në Lubjanë, Art Roterdam, Qendra për Rishfaqje Historike, Johannesburg, Afrika e Jugut, De Hallen Haarlem, Instituti KW për Art Bashkëkohor Berlin.

Fotografia nga: Rupert Oberhaeuser, Kulturkonferenz Ruhr 2019

INKE ARNS

Kuratore

Inke Arns, PhD, drejtoreshë e HMKV Hartware MedienKunstVerein në Dortmund, Gjermani (www.hmkv.de). Ajo ka punuar ndërkombëtarisht si kuratore dhe teoriciene e pavarur e specializuar në artin mediatik, kulturat e internetit dhe Evropën Lindore që nga viti 1993. Pasi jetoi në Paris (1982-1986) ajo studioi letërsinë ruse, studimet e Evropës Lindore, shkencat politike dhe historinë e artit në Berlin dhe Amsterdam (1988–1996) dhe në vitin 2004 mori doktoraturën nga Universiteti Humboldt në Berlin. Ajo ka kuruar shumë ekspozita – në bauhaus dessau, MG+MSUM Ljubljana, Galerinë EXIT Pejë, KW Berlin, Muzeun e Artit Bashkëkohor Beograd, CCA Glasgow, CCA Ujazdowski Kalaja e Varshavës, HMKV Dortmund, La Panacée Montpellier, HKWtuz, HKWtuz, La Gaîté Lyrique Paris, MMOMA Moskë, BOZAR Bruksel, NCCA Yekaterinburg, exportdrvo Rijeka, a.o. Ajo është autore e shumë artikujve mbi artin bashkëkohor, artin mediatik dhe kulturën e internetit, dhe ka redaktuar shumë katalogjë ekspozitash dhe libra. Në 2021-2022 Profesoreshë vizituese në Akademinë e Artit Münster. 2022 Kuratore e Pavijonit të Republikës së Kosovës (artist: Jakup Ferri), Ekspozita e 59-të Ndërkombëtare e Artit, La Biennale di Venezia. (www.inkearns.de)

Fotografia nga: Thomas Gothier

PHILIPP NITSCHE

Arkitekt

Philipp Nitsche themeloi zyrën e tij të arkitekturës Studio Nitsche në 2014. Që atëherë, ai ka punuar kryesisht në projektimin dhe ndërtimin e ndërtesave të apartamenteve të nivelit të lartë, si dhe në shumë projekte rinovimi. Ai projektoi dhe ndërtoi një vilë në liqenin e Komos, Itali, si dhe banesa të ndryshme në Mynih, Gjermani.

Për më tepër, ai ishte producent dhe arkitekt i Pavijonit të Republikës së Kosovës në Bienalen e 56-të të Venezias, me artisten Flaka Haliti. Që atëherë ai është përfshirë si arkitekt dhe producent në projekte të ndryshme artistike, ekspozita dhe instalime arti në hapësirën publike. Së fundmi, ai ka bashkëpunuar me artistin Jonas von Ostrowski për ndërtimin e “shtëpisë me forma të qarta dhe një hyrje komplekse”, e cila konsiderohet si skulptura e parë e banueshme në projektin e artit “Los Angeles” në Günsterode, Gjermani.

Ai mori titullin master në urbanizëm në Universitetin Teknik të Mynihut. Gjatë studimeve, ai u fokusua në çështjet e planifikimit urban në të ashtuquajturat ‘qytetet në konflikt’ si Mitrovica në Kosovë, për shembull, ku njerëzit me prejardhje të ndryshme kulturore jetojnë në lagje të afërta.

Nitsche studioi arkitekturë në Dessau, Gjermani dhe Çikago, Illinois. Ai gjithashtu mblodhi përvojë praktike në Wheeler Kearns Architects në SHBA.

Fotografia nga: Engjëll Berisha, Muzeu Kombëtarë i Kosovës 2022

ALISA GOJANI BERISHA

Komisionere

Alisa Gojani Berisha (lindur në Prishtinë, Kosovë 1979, jeton dhe punon në Prishtinë) është kuratore në Muzeun Kombëtar të Kosovës që nga viti 2006-tani, Ushtruese e detyrës së Drejtoreshës së Muzeut Kombëtar 2019. Ka studiuar në Universitetin e Prishtinës, Fakulteti i Arteve të Bukura. Pjesë e vizitave studimore jashtë vendit me fokus kryesor në Menaxhimin e Muzeut IVLP, SHBA, Moving Museums UCL, MB, etj, dhe prezantoi seminare në lidhje me ekspozitat dhe përfshirjen e publikut, këshilltare dhe konsulente në BMN për akses dhe përfshirje. Gjatë karrierës së saj ajo ka qenë e përfshirë jo vetëm në pjesëmarrjen, por edhe në menaxhimin e konferencave dhe programeve ndërkombëtare brenda dhe jashtë muzeut, si dhe në krijimin e ekspozitave dhe programeve interaktive edukative me fëmijët; studentë dhe persona me aftësi të kufizuara duke përfshirë një qasje të re të taktile për personat me shikim të dëmtuar, aktivitete që kanë rritur kapacitetin e prezantimit në Muzeun Kombëtar dhe metodat e reja kanë përfshirë një audiencë më të gjerë në Muze. Kontributi i saj kryesor është në promovimin dhe interpretimin e kulturës dhe trashëgimisë me një qasje bashkëkohore.

Fotografia nga: Jetë Dobranja

ENGJËLL BERISHA

Kordinator & PR

Engjëll Berisha (lindur në Londër 1993, jeton dhe punon në Prishtinë) është një profesionist i larmishëm i kulturës. Përvoja e tij 10 vjeçare përfshin gazetarinë, prodhimin e artit dhe kurimin. Katër vitet e fundit ka punuar si koordinator i përgjithshëm për Galerinë Kombëtare të Kosovës, si dhe ndihmës komisioner dhe koordinator për Pavijonin e Republikës së Kosovës në Bienalen e 58-të të Venecias, në vitin 2019 për projektin e Alban Mujës “Family Album”. “The Great Smog of 2021” ishte ekspozita e parë që e kuroi në Galerinë Kombëtare të Kosovës.